FOTOGRAFÍA DE VODA: PARTE I

Estás planeando a túa voda?

Unha voda é unha combinación de estraña felicidade e tensión. É sumamente importante planificala ben, dedicarlle tempo para que todo saia o mellor posible.

A planificación dunha voda supón meses de traballo, son moitas as decisións que hai que tomar... a localización, o tipo de cerimonia, a decoración, o estilo... e tamén hai que pensar nos pequenos detalles que marcarán a diferencia, detalles que farán da túa voda a mellor de todas.

Conseguir a voda que sempre soñaches, sexa romántica, minimal, clásica, bohemia... é posible. Conseguir que ese día quede na túa memoria e perdure no tempo, tamén e posible. O fotógrafo será o profesional encargado de facer realidade isto último. Coa súa cámara inmortalizará os momentos máxicos: unha mirada, un sorriso, o estremecemento dunha emoción contida..

A fotografía é moito máis que simplemente ter unha boa cámara ou tomar un montón de fotos para o máis básico.Cando nos poñamos a buscar fotógrafo debemos ter en conta algúns detalles, como por exemplo: a experiencia, a personalidade e a calidade do traballo do profesional que visitemos.

Un fotógrafo de vodas profesional non só debe ter habilidade técnica coa cámara, tamén debe ter unha gran capacidade artística e creativa, polo tanto, a experiencia é moi importante.

Todo profesional ten quen simpatizar co cliente, no caso do fotógrafo, máis aínda. Á hora de contratalo ten en conta a súa personalidade, vai pasar moitas horas ao teu lado, debe facer que tanto ti coma a túa parella vos sintades a gusto e relaxados.

E en canto a calidade... infórmate ben do seu traballo, revisa fotografías, mira a calidade. Non te deixes atrapar pola cantidade, é preferible pouco e ben feito ca moito e mediocre. 

Lucía e Abraham contaron con Anna Fotógrafa para a realización da súa reportaxe de voda. Reportaxe ampla, pois tamén fixemos unha post-voda, da que vos ofrecemos un resumo.

No caso de Lucía e Abraham hai que dicir que foi un auténtico pracer traballar para eles. Vendo as imaxes decatámonos dun detalle moi importante: a relación entre profesional e cliente.

AS PRE-VODAS

Son moitas as parellas que o longo do ano pasan polo estudio... e cada vez son máis as que se interesan nunha reportaxe previa ao día da voda: a pre-voda!

Necesidade, vantaxes, inconvenientes... son moitas as pregunta que nos formulan...

- En canto á necesidade, claro está que non é necesario para casarse pero teredes unhas fotos moi bonitas de volos dous! 

- Vantaxes: bastantes... a experiencia de posar para un fotógraf@ non a temos, non somos modelos e polo tanto non temos soltura ante unha cámara. Coa pre-voda preténdese que a parella vaia pillando soltura e preparándose deste xeito para o día da voda. Non hai presión, non hai présa por chegar ao restaurante, non hai ninguén mirándovos, seguramente ao principio estaredes un pelín nerviosos pero pouco a pouco vos iredes relaxando... Isto fai que, nós, fotograf@s, vos poidamos coñecer mellor: se vos gusta posar ou non, se sodes extravertidos ou máis serios, saberemos se vos gusta un tipo de fotografía concreta ou ben vos deixades aconsellar... e que vós miredes o noso traballo! Deste xeito podemos corrixir detalles que estragarían unha foto (poses, sorrisos...) e facer que a reportaxe da vosa voda sexa a mellor. 

- Inconvenientes... case sempre o tempo e en parte o diñeiro. Polo tanto é moi importante revisar ben o presuposto do fotógraf@ e preguntar toda dúbida, deste xeito nunca haberá malos entendidos.

Tamén é moi importante o lugar onde se fará a pre-voda. Intentamos buscar o lugar ideal, pero... cal é? Desde o noso punto de vista o lugar idóneo é aquel no que nos sentimos cómodos e co cal nos sentimos identificados. De que nos vale ir a unha zona de río cando probablemente nunca fomos alí, ir a un parque no cal nunca estivemos... Para a pre-voda deberiamos buscar algo relacionado coa nosa relación, un lugar que nos faga sentir, lembrar...

Tódalas reportaxes previas á voda que fixemos ata o momento foron sempre en exteriores, espazos abertos. Pero nós, Entre Bambolinas, pensamos no sitio perfecto! Ese bar, cafetería, restaurante... no cal desde o comezo da relación quedades para tomar algo, no cal vos reunides cos amig@s, onde celebrades cumpres, onde rides, onde ceades tantas veces... o lugar que tantos recordos vos trae a cabeza e que consegue que a sesión de fotos sexa relaxada, tranquila... moi vosa. Non estades tan pendentes da cámara é o resultado é magnífico. Tal como nos mostran Cristina e Iván.

Tendo en conta que Iván e Cristina non forman parella e mirando a naturalidade e complicidade que mostran nun entorno tan envolvente, imaxinádevos como serías as vosas fotografías... marabillosas, espontáneas,  con complicidade, amor...

Teño que recoñecer algo, o feito de que Álvaro (Artesana Gastrobar) nos permitise face-la reportaxe no seu local condicionou moito a que estiveramos super relaxados e distendidos. Foi unha tarde estupenda!

O de que en Artesana Gastrobar intentan por tódolos medios que a visita ao restaurante sito na Avda. de Ferrol sexa unha experiencia imaxinativa, grata, sorprendente e familiar para os clientes, pódovolo asegurar.  Álvaro estivo encantador, explicounos unha morea de detalles tanto do local coma dos pratos que ofrecen aos seus clientes. Podía facer un resumo de todo o que falamos... pero penso que é mellor que olledes a súa páxina web, aí tendes todo super detallado: carta, viños, prostres... http://www.artesanagastrobar.es/ .

A tarde que estivemos alí tivemos a oportunidade de probar parte do Mundo Doce (unha das catro apetecibles categorías que ofrecen ao cliente) e pódovos asegurar que foi unha marabilla. 

Bueno, bueno... ata nos recomendou un menú. Xa estou a mirar que día podo quedar para ir cear e así poder degustalo!
- Combinado de croquetas (negras, vermellas e amarelas)
- Tosta de bacallau con pementos asados ao curry
- Langostinos crocantes con chutney de tomate
- Tacos de vaca vella galega (entrecot)
- Croquetas de chocolate
Aínda se me fai a boca auga pensando nas croquetas de chocolate que nos puxo para probar...

Agradecer a Álvaro que nos permitise realiza-la reportaxe no seu local (Artesana Gastrobar) e que fixera un anaquiño para estar connosco.

Agradecer tamén a Cris e Iván o seu tempo, seredes recompensados!!! Aínda temos que pensar como... e en canto á fotografía... Anna Fotógrafa http://www.annafotografa.es/

Hoxe en día a elección musical dentro de calquera evento é un punto clave a ter en conta. 

Desde o meu punto de vista a música debe acompañar ao evento (congresos, vodas, recepcións, exposicións) en tódalas súas partes. 

Podemos poñer de exemplo unha voda (se poño este exemplo é por que quizais sexa o que máis vos poida interesar). Nela debemos elixir unha música adecuada para a cerimonia (guitarra clásica, arpa, cuarteto de corda, etc...), o aperitivo (cuartetos, jazz, guitarra española...) a comida ou cea (unha música suave para poder falar) e o baile (música divertida e para tódolos gustos).
Escoitemos "Aria" de Johann Sebastian Bach para introducirnos no tema.

Con que facilidade evoca e crea emocións... verdade? A música gañou un dos papeis protagonistas dentro do evento nupcial.
Recalco a importancia de elixir boa música e destinar parte do presuposto para isto, pero... a onde acudimos? quen nos pode ofrecer un servizo de gran seriedade e profesionalismo?

O Cuarteto Egeria é un dos máis indicados para acompañarvos nun dos días máis importate das vosas vida, a vosa voda.

O Cuarteto Egeria son 4 compañeiras (membros da Real Filharmonía de Galicia) de diferentes nacionalidades:
- Hungría: 1º violín
- Xapón: 2º violín
- Rumanía: viola
- España: violonchelo

Teñen unha gran experiencia en todo tipo de eventos: congresos, vodas, recepcións, exposicións...  e dispoñibilidade para acudir a calquera lugar de Galicia, iso si, limitándose a sábados e domingos. 
Contan cunha tarifa de prezos moi competitiva, podendo escoller música só para a cerimonia ou o servizo completo (cerimonia e aperitivo). 

Unha das compoñentes  do cuarteto é Ioana Ciobotaru. Ioana estudou viola no seu país de orixe, Rumanía. Leva 20 anos dedicándose á música, primeiro na Filarmónica George Enescu de Bucarest e desde o ano 2000 na xa mencionada Real Filharmonía de Galicia.

Iona e Entre Bambolinas temos unha grande amizade, isto fixo que estivera máis que disposta a orientarnos sobre o tema a tratar esta semana, a música nas cerimonias.
                                     ___________________

A música en directo é unha das mellores opcións para os amantes da música. Tamén o resto das persoas partícipes no acto disfrutarán con ela. A música rompe a realidade, enche, emociona... fai que os convidados á vosa voda tamén se sintan como parte importante... aínda sen ser os protagonistas.

Os temas a tocar deben estar sempre en concordancia ao acto, pois non é o mesmo unha cerimonia relixiosa que unha civil. 
Na relixiosa tendes que ter en conta música clásica, por exemplo: "Aria" de Johann Sebastian Bach (que podedes escoitar no enlace), o "Ave María" de Franz Schubert ou "Canon" de Johann Pachelbel. Calquera dos títulos mencionados, aínda que hai moitos outros, os podemos considerar como imprescindibles. 
Na civil podedes ter un abanico máis amplo de posibilidades, calquera estilo musical pode ser o adecuado.
A música que se escoite na vosa voda vai ser a banda sonora do evento, moi importante acertar cos temas! Pedide consello se non estades moi seguros do que debe soar.

O Cuarteto Egeria tamén pon música en vivo ao aperitivo, deste xeito créase un ambiente perfecto. O aperitivo é o momento no que os invitados se poden coñecer, onde poden falar, contar historias, rir, disfrutar... é un momento que lles encanta!
Hai moitísimas posibilidades e estilos que quedan xeniais nun aperitivo: clásico (Mozart ou Vivaldi), jazz, bossa nova, blues, danzas, vals, animación...
Podedes escoitar dous exemplos...

Proximamente espero poder ofrecervos algún vídeo onde poderedes apreciar a calidade e profesionalidade do Cuarteto Eregia. Para hoxe estaba un pelín pillada de tempo e por iso non puiden preparar moito máis. Tendes que disculparme. A semana pasada foi bastante esgotadora!

¡OLLO! para o vindeiro luns toca facer referencia ao día de San Valentín. Estade atent@s!

Bicos e grazas por estar aí.